PH International - საქართველო

PH International არის ამერიკული არამოგებაზე ორიენტირებული ორგანიზაცია, რომელმაც წარმომადგენლობა საქართველოში 2000 წელს დააფუძნა. ორგანიზაცია ოთხი ძირითადი მიმართულებით მუშაობს: განათლების განვითარების პროგრამები; პროფესიული განვითარების პროგრამები; თემის განვითარების პროგრამები და ინტერნეტ ტექნოლოგიური პროგრამები.

PH International - ის საქმიანობა საქართველოში სათავეს 1989 წლიდან იღებს, როდესაც ის საქართველოს სკოლის მოსწავლეებისა და უნივერსიტეტის სტუდენტებისთვის იწყებს სხვადასხვა საგანმანათლებლო და გაცვლითი პროგრამების განხორციელებას საქართველოში და აშშ-ში.

PH International - ის პროგრამები ხელს უწყობს სკოლებში სამოქალაქო განათლების სწავლების ხარისხის გაუმჯობესებას, სამოქალაქო განათლების პედაგოგების პროფესიულ განვითარებას, ახალგაზრდებში სამოქალაქო აქტივიზმს, მოზარდებში დანაშაულის პრევენციას და მათ სამართლებრივ განათლებას, ახალგაზრდებში სამეწარმეო უნარ-შესაძლებლობების გაზრდას და დასაქმების ხელშეწყობას, სახალხო დიპლომატიას და მშვიდობის მშენებლობას, სკოლებში ინგლისური ენის სწავლა-სწავლების გაძლიერებას, ინგლისური ენის ხელმისაწვდომობას სოციალურად დაუცველი ახალგაზრდებისთვის, საზოგადოებაზე ორიენტირებული პოლიციის პრაქტიკების დანერგვას, ახალი ტექნოლოგიური გადაწყვეტილებების ინტეგრაციას განათლებაში, ძალადობრივ ექსტრემიზმთან და რუსულ დეზინფორმაციასთან გამკლავებას.

2000 – 2010 წლებში, PH International - ის პროგრამები მიმართული იყო ოჯახური ძალადობის პრევენციაზე და ქალების გაძლიერებაზე რეგიონებში, ისევე როგორც ინტერნეტ ტექნოლოგიური პროგრამების დანერგვაზე კავკასიაში, რათა ჟურნალისტებსა და სამოქალაქო სექტორის წარმომადგენლებს ჰქონოდათ უფრო მჭიდრო კავშირი. ამავე წლებში, PH International ახორციელებდა ინდივიდუალური და ორგანიზაციული განვითარების ხელშემწყობ პროფესიულ გაცვლით პროგრამას აშშ-ში, სახელწოდებით „Community Connetions“, რომლის ფარგლებშიც 700 - ზე მეტ საქართველოს მოქალაქეს აქვს მონაწილეობა მიღებული.